CURSOS MONTES FUNCIONAIS

17/03/2025

Comezamos co noso plan de formación para este novo período leader, estes serán os cursos para este ano 2025

MONTES MULTIFUNCIONAIS: APROVEITAMENTO DOS RECURSOS E XESTIÓN SUSTENTABLE

Curso 1: Aproveitamentos non materiais dos montes. 60 horas

Unidades temáticas:

  1. O Monte coma reserva de biodiversidade (vexetal, animal, fungos, …)
  • Os ecosistemas e a súa dinámica. Bosques e plantacións. Estabilidade ecolóxica.
  1. O Monte coma protector do chan evitando e minimizando a erosión.
  • Os procesos erosivos, fundamentos de edafoloxía. O problema dos lumes forestais.
  1. Capacidade do monte para a regularización de recursos hídricos e do ciclo da auga.
  • Fundamentos de hidroloxía, cuncas, cursos estacionais e permanentes, dinámica da precipitación.
  1. Función social, de ocio e cultural do monte.
  • A Xestión do patrimonio histórico e arqueolóxico. Actividades deportivas. Actividades recreativas
  1. Función paisaxística.
  • A paisaxe. Sociedade tradicional e usos do monte. O Abandono das actividades e a degradación da paisaxe. Ecosistemas seminaturais

 

Curso 2: Aproveitamentos materiais dos montes. 60 horas

Unidades temáticas:

  1. Silvopascicultura.
  • Uso gandeiro dos montes. Pasteiros de montaña. Razas autóctonas de gando na comarca.
  1. Produción de castaña
  • Castiñeiro para a produción de froito. Variedades de castaña da comarca. Fitopatoloxía do castiñeiro.
  1. Produción agrícola nos montes
  • Os bacelos de montaña na comarca de Monterrei. Produción de uva de calidade. Variedades. Aptitude dos chans e exposicións recomendadas.
  1. A produción de madeira
  • Especies empregadas tradicionalmente na comarca. Posibilidades de produción de madeira de calidade con especies autóctonas. Valorización dos subprodutos forestais.
  1. Os dereitos de emisión de CO2
  2. Outros aproveitamentos do monte:
  • A Caza. Os recursos micolóxicos. Herbas medicinais. Pequenos froitos forestais. O Mel.

Estes cursos terán un carácter eminentemente práctico. A duración dos mesmos será de 60 h distribuídas en diferentes sesións coas súas correspondentes actividades.

LUGAR: POLÍGONO DE PAZOS (Verín)

COMEZO: PRIMEIROS DE ABRIL DE 2025

INSCRICIÓN NAS OFICINAS DA ASOCIACIÓN MONTEVAL (POLÍGONO DE PAZOS)

TLF: 988.59.02.33

Publicado en Novas

Deja un comentario